Нууцлалын бодлого

Сүүлд шинэчилсэн: 2026-11-05

Smart GIS бол Смарт Дата ХХК (Smart Data LLC)-ийн хөгжүүлж, ажиллуулдаг орон зайн мэдээллийн систем юм. Энэ системд вэб портал болон гар утасны аппликейшн хамаарна. Энэхүү бодлогоор бид таны хувийн мэдээллийг хэрхэн цуглуулж, ашиглаж, хадгалж, хамгаалдгийг тайлбарлана.

Smart GIS-д нэвтэрч эсвэл үйлчилгээг ашиглаж эхэлснээр та энэхүү Нууцлалын бодлогыг уншиж танилцан, зөвшөөрсөнд тооцогдоно.

1. Нэр томъёо

• Компани, бид, манай: таны мэдээллийг хариуцан боловсруулдаг Смарт Дата ХХК (Smart Data LLC).
• Үйлчилгээ: Smart GIS вэб портал, түүний дэд хуудсууд болон Smart GIS гар утасны аппликейшн.
• Хэрэглэгч, та: үйлчилгээг ашиглаж буй иргэн эсвэл хуулийн этгээд.
• Хувийн мэдээлэл: тодорхой хүнийг шууд болон шууд бусаар тодорхойлох боломжтой аливаа мэдээлэл.
• Cookie: вэб сайтаас таны хөтөчид хадгалдаг жижиг хэмжээний өгөгдөл. Нэвтрэлтийн төлөв, хэлний сонголт зэргийг санахад ашиглагдана.
• Гуравдагч этгээд: Компаниас бусад, үйлчилгээ үзүүлэхэд оролцдог байгууллага. Тухайлбал нэвтрэлт баталгаажуулах, газрын зургийн суурь давхарга, хандалтын статистик тооцох үйлчилгээ үзүүлэгчид.

2. Бид ямар мэдээлэл цуглуулдаг вэ?

Нэвтрэх үед. Та ДАН системээр нэвтрэхэд таны зөвшөөрлөөр дараах мэдээллийг хүлээн авна:

• Иргэний хувьд: овог, нэр, регистрийн дугаар.
• Хуулийн этгээдийн хувьд: байгууллагын нэр, регистрийн дугаар, удирдлагын овог, нэр, регистрийн дугаар.

Үйлчилгээ ашиглах үед. Та хүсэлт, санал, зөрчлийн мэдээлэл илгээхэд дараах мэдээллийг цуглуулна:

• Таны оруулсан утга: утасны дугаар, имэйл хаяг, тайлбар, маягтын бусад талбар.
• Таны хавсаргасан баримт бичиг, зураг.
• Таны газрын зураг дээр сонгосон байршил, зурсан хил хязгаар.

Гар утасны аппликейшнд. Дараах зөвшөөрлүүд заавал биш бөгөөд та өөрөө сонгоно:

• Байршил (GPS): мэдээлэл илгээхдээ одоогийн байршлаа хавсаргах боломжтой. Байршлаа өгөхгүйгээр газрын зургаас гараар сонгож болно.
• Зургийн цомог, камер: мэдээлэлдээ зураг хавсаргахад ашиглагдана. Энэ эрхийг төхөөрөмжийн тохиргооноос хүссэн үедээ хааж болно.

Автоматаар бүртгэгдэх техникийн мэдээлэл. IP хаяг, хөтчийн төрөл, хандсан хуудас, хандсан огноо, цаг автоматаар бүртгэгдэнэ. Эдгээрийг аюулгүй байдал хангах, алдаа илрүүлэх, хандалтын нэгдсэн статистик гаргахад ашиглана.

3. Мэдээллийг ашиглах зорилго

• Таны хэн болохыг баталгаажуулж, системд нэвтрүүлэх.
• Таны илгээсэн хүсэлт, мэдээллийг хүлээн авч, шийдвэрлэх, явцыг танд мэдэгдэх.
• Үйлчилгээний чанар, аюулгүй байдлыг хангах, сайжруулах.
• Хууль тогтоомжоор хүлээсэн үүргээ биелүүлэх.

Бид таны хувийн мэдээллийг худалдахгүй. Мөн сурталчилгааны зорилгоор гуравдагч этгээдэд дамжуулахгүй.

4. Мэдээллийг хэнтэй хуваалцдаг вэ?

• Таны хүсэлтийг шийдвэрлэх эрх бүхий байгууллага. Хүсэлтийг шийдвэрлэхэд шаардлагатай хэмжээнд л хуваалцана.
• Гэрээний үндсэн дээр бидэнд үйлчилгээ үзүүлэгчид. Сервер байршуулалт, өгөгдлийн сан хадгалалт зэрэг үйлчилгээ үзүүлэгчид багтана. Тэд мэдээллийг зөвхөн бидний даалгаврын хүрээнд ашиглах үүрэгтэй.
• Хууль тогтоомжоор эрх олгогдсон төрийн байгууллага. Тэдгээрийн хуулийн дагуу гаргасан шаардлагын хүрээнд хуваалцана.

5. Гуравдагч этгээдийн үйлчилгээ

• ДАН систем: иргэн, хуулийн этгээдийн нэвтрэлтийг баталгаажуулна.
• Газрын зургийн суурь давхарга: OpenStreetMap, Esri зэрэг. Газрын зургийн хэсгийг ачаалахад таны хөтөч эдгээр серверт хүсэлт илгээдэг тул тэд таны IP хаягийг бүртгэж болно.
• Google Analytics: хандалтын нэгдсэн статистик тооцохдоо cookie ашиглана.

Эдгээр үйлчилгээ нь өөр өөрийн нууцлалын бодлоготой. Тэдний мэдээлэл боловсруулалтыг бид хариуцахгүй.

6. Cookie ба төхөөрөмж дээрх хадгалалт

Бид дараах зорилгоор cookie болон хөтчийн local storage ашиглана:

• нэвтрэлтийн төлөвийг хадгалах;
• хэлний сонголт, харагдацын тохиргоог санах;
• хандалтын статистик тооцох.

Гар утасны аппликейшн зарим тохиргоог зөвхөн таны төхөөрөмж дээр хадгална.

Та хөтчийн тохиргооноос cookie-г устгах эсвэл хориглох боломжтой. Гэхдээ ингэвэл нэвтрэх зэрэг зарим үйлдэл ажиллахгүй болж болзошгүй.

7. Хадгалах хугацаа ба хамгаалалт

Таны мэдээллийг үйлчилгээ үзүүлэх болон хуулиар тогтоосон хугацаанд хадгална. Хугацаа дуусахад устгах буюу хувь хүнийг тодорхойлох боломжгүй болгоно.

Мэдээллийг хамгаалахад дараах арга хэмжээг авна:

• шифрлэгдсэн холболт (HTTPS) ашиглах;
• мэдээлэлд хандах эрхийг хязгаарлах;
• хандалтын бүртгэл хөтлөх;
• нөөц хуулбар хадгалах.

8. Таны эрх

Монгол Улсын Хүний хувийн мэдээлэл хамгаалах тухай хуулийн дагуу та дараах эрхтэй:

• өөрийн мэдээлэлтэй танилцах;
• буруу мэдээллийг засуулах;
• хуулиар хадгалах шаардлагагүй мэдээллээ устгуулах;
• өгсөн зөвшөөрлөө цуцлах.

Эдгээр эрхээ хэрэгжүүлэхийн тулд доорх хаягаар бидэнтэй холбогдоно уу.

9. Бодлогын өөрчлөлт

Бид энэхүү бодлогыг шинэчилж болно. Шинэчилсэн хувилбарыг энэ хуудсанд байршуулж, дээд хэсэгт огноог нь тэмдэглэнэ. Чухал өөрчлөлтийн талаар системээр дамжуулан мэдэгдэнэ.

10. Холбоо барих